Балапан телеарнасы тікелей эфир: «Балапан» телеарнасы тікелей эфирде хабар тарата бастады

«Балапан» телеарнасы тікелей эфирде хабар тарата бастады

«Балапан» телеарнасы тікелей эфирде хабар тарата бастады — «Qazaqstan» Ұлттық телеарнасы

Онлайн көрсетілім

04:00

Эфирде

Өмір көркем

Өмір көркем

Эфирде

Онлайн  қарау

04:50

Ары қарай

Әнұран

Әнұран

Ары қарай

23.04.2014

• Портал

Хабарламаларға жазылу

Соңғы жаңалықтар

25.11.2022

«Қазспорт» арнасының тікелей эфирінде Қатар мен Сенегал арасындағы ойын өтіп жатыр

25. 11.2022

Ертең Президент Қасым-Жомарт Тоқаевты ұлықтау рәсімі өтеді

25.11.2022

Мемлекет басшысы ресми сапармен Ресейге барады

25.11.2022

ИИДМ: «7-20-25» ипотекалық бағдарламасын жалғастыру керек

Соңғы бейнелер

26.11.2022

PARASAT MAIDANY

Мерседестің атасы — Карл Бенц

25.11.2022

Бауырлар

64-бөлім

25.11.2022

Жүрегімнің жауhары

Соңғы 10-бөлім

25.11.2022

Aqparat

Ақпарат — 20:00

«Балапан» бала болса да, даналығын көрсетті

«Балапан» деген атпен осыдан 1 жыл бұрын ғана тұсауын кескен арна өз туған күнін «Қазақстан» ұлттық телеарнасымен бірлесе отырып, қайырымдылық акциясымен атап өтті. «Бала» болса да – даналығын көрсеткен телеарнаның осынау сауапты тірлігі халықты ізгілікке шақырған ғанибетті оқиға екені даусыз.
Яғни, «Балапан» телеарнасы 27 қыркүйекте сағат 13.00-14.00 және 17.20-17.45 аралығында «Қа­зақстан» ұлттық телеарна­сы­ның тікелей эфирінде ауыр нау­қасқа шалдыққан үш баланың сауы­ғып кетуі үшін тікелей эфир­ден көмек-акциясын ұйымдастырды.
Бұл бүлдіршіндер – ас­та­на­лық Рамазан Есмағамбетов, ақтө­белік Диана Мақсат және тал­ғар­лық Гүлнәз Омарбекова болатын. Айта кететін жайт, қайырым­ды­лық акциясына ұлттық арна эфи­ріндегі «Жан жылуы» бағдар­ла­ма­сының кейіпкерлері негіз болды.
Рамазан аяқталма­ған остеогенез дертіне шалдық­қан. Түсінікті тілмен айтқанда, сүйегі қатпаған­дықтан, осы күнге дейін сүйек­тері елу жерден сынған. Соңғы екі жылда Мәскеу қаласында ем алуда. Жылына екі рет ем-дом алуы тиіс.
Ал Диана церебральді сал ау­руына шалдыққан. 12 жастағы қыз­ға жүйелі түрде сауықтыру шаралары керек. 5 жасар Гүл­нәз­ға микрокорнеа, Петерс син­дро­мы деген диагноз қойылыпты. Көзі көрмейді. Операция жасалса, көру мүмкіндігі бар.
Көңілге шуақ ұялататыны – қайырымдылық акциясына, кә­сіп­керлерді айтпағанда, студенттерден бастап, зейнеткерлерге дейін атсалысты. Акция жан­ашыр­ларының қатары күн сайын к­ө­бейіп келе жатқан көрінеді.
Ал тікелей эфир барысында студияға елге танымал тұлғалар ша­қырылып, Алматы қаласы ден­саулық сақтау басқармасының бас педиатры Ләйлә Иманғалие­ва, Олимпиада чемпионы Жақ­сы­лық Үшкемпіров, қаладағы Тас­тақ мешітінің бас имамы Кенжебек Мырзабаев, «Дос-Мұқасан» то­бынан Ақжол Мейірбеков, Мұрат Құсайынов акцияға араласты.
Ал бұл кездерде науқас ба­лаларға қаржылай жәрдем бергісі келетін отандастарымыз үшін арнайы банк есеп-шоттары жұмыс істеп, жанашыр азаматтардан қа­ражат қабылдап жатқан банкпен тікелей байланыс ұйымдасты­ры­лып, жиналған қаржы туралы мәлімет беріліп отырды.
Науқас балалардың есеп-­шо­тына ақша салған кәсіпкер Қа­дір­құл Сырман, әнші Ескендір Ха­сан­ғалиевтің отбасы, шәкіртақы­сы­ның бір бөлігін аударған магис­трант Сымбат Әбіжановпен әң­гі­ме көпке әсер еткені сөзсіз. Айт­қандай, тікелей эфирде аядай ғана бөлмеде тұрып жатқан Рамазан Есмағамбетовтің отбасының жанайқайына Астана қаласының әкімдігі үн қатып, екі бөлмелі пәтердің кілтін табыс еткенін жүргізушілер сүйіншілеп жеткізді.
Міне, осылайша, қайырымды­лық қазақтың қанында бар қа­сиет екенін көрдік. «Балапан» ак­циясы өтетінін естіп, редакцияға хабарласқан үлкен жүректі азаматтар да көп болды. Соның бірі осындай қайырлы істердің ба­сын­да жүретін кәсіпкер, Алматы қаласы мәслихатының депутаты Құсман Шалабаев еді.
Нәтижесінде, халықты қайы­рым­дылыққа шақырған акциядан 5 сағаттың ішінде 1 миллионнан астам теңге жиналғаны мәлім бол­ды. Ал осы іске ұйытқы бол­ған 1 жастағы «Балапан» теле­ар­на­сы бүгінде тәулігіне 12 сағат мемлекеттік тілде хабар тарата­ды. Бір жылдың ішінде көрермен назарына 12 бағдарлама, 1 муль­ти­пликациялық сериал ұсыныл­ды. Атап айтсақ, бүлдіршіндерді шынығуға шақырған «Алақай, Балақай!», «Толағай», тәтті ұй­қы­ға жетелеген «Айжұлдыз», білім­нің есігін қақтырған «Әліппе», қиялға қанат бітірген «Шеберхана», танымды арттырған «Кел, ойнайық!», «Еркетай», көңіл пернелерін басқан «Ән салайық!», «Айгөлек» және т. б. бағдар­ла­ма­лар мен ғаламның ғажайып сыр­ларын ашқан «Ғажайыпстанға сая­хат» (200 серия) мульт­се­риа­лы – «Балапан» телеарнасының отан­дық ақпарат кеңістігіндегі өзіндік беталысын танытты.
«Балапан» телеарнасы көрер­менін жуырда ойын-сауықтық «Құ­лыншақ», әзіл-сықақтық «Тен­тегім», оқу-танымдық «Хеллоу, Балапан!» бағдарламаларымен қуантпақ. Ал шытырман оқиға­лы «Балдырған» мультсериалы – отандық телевизиядағы соны жаңалық болмақ. Мультип­л­и­ка­ция­лық сериал елордамыз Аста­наның мәртебесін көтеріп, ауыл­дың жағымды имиджін қалып­тастыруға қызмет етпек.
Балалар телеарнасы озық отан­дық әрі әлемдік балалар кино­сы мен анимациялық шығармаларын көрермен назарына қазақ тілінде (сапалы дубляж өнімдері) ұсы­натын бірден-бір арна. Мәселен, осы уақыт аралығында Ш. Айманов атындағы «Қазақфильм» ки­ностудиясы түсірген 32 мульт­фильм көрсетілді. «Балапан» ар­насы ендігі ретте балалар киносы мен анимациялық фильмдерінің отандық қорын қалыптастыруға негіз болмақ.
Айнаш ЕСАЛИ.